ეს საოცრება Lamborghini Veneno-ა, ისტორიაში ყველაზე მძლავრი, ყველაზე ძვირად ღირებული, ყველაზე სწრაფი "ხარია რაც ოდესმე შექმნილა. იგი სულ რაღაც 1450 კილოგრამიანი ავტომობილია რომლის 6.5 ლიტრიანი 12 ცილინდრიანი ძრავი 750 ცხენის ძალას გამოიმუშავებს და რაც საოცარია 100 კმ/სთ 2.6 წამში ანვითარებს. ამასთან ასევე გამოირჩევა მისი ინტერიერიც, ექსტრემალური პროპორციები და კარბონისგან დამზადებული ძარა მთლიანად განსხვავებულია სხვა მოდელებისაგან ამასთან კარგად ჩანს იტალიური დროშის ფერები, თითქმის იგივე ფერებშია ინტერიერიც, კარბონის მასალა აქაც უხვად არის. ფოტოზე ნაჩვენებია ვერსია რომელიც შესრულებულია "grey metallic"-ის ფერში. ცნობილია რომ მხოლოდ 3 ეგზემპლარია დამზადებული და სამივე სხვადასხვა ფერებში. ეს ვერსია კი ჯერჯერობით პროტოტიპია. ამ საოცრების ფასი 3 მილიონი ევრო იქნება. ხოლო რაც შეეხება სახელწოდება Lamborghini Veneno-ს უფრო ზუსტად Veneno-ს ეს იყო ლეგენდარული, პრაქტიკულად დაუმარცხებელი ხარი, რომელის სახელსაც ხოსე რამირეს-გონსალესის ცნობილი ტორეადორის გარდაცვალება უკავშირდება. 2013 წელს ავტომობილის პრეზენტაცია ჟენევის საერთაშორისო ავტო შოუზე გაიმართა.
